Туляремия  инфекциялық ауру

Алатау ауданы санитариялық-эпидемиологиялық бақылау
басқармасының басшысы  Толқынбеков Мақсат Мырзабекович.

Алатау ауданы санитариялық-эпидемиологиялық бақылау
басқармасының эпидемиологиялық қадағалау  бөлімінің
бас маманы: Макулбекова Гульнара Абуовна

Туляремия  инфекциялық ауру.

Туляремия – ол жедел инфекциялық ауруы болып табылады.

Аурудың көзі – жануарлар, кеміргіштердің әртүрлі тобы: сұр тышқан, үй тышқаны, егеуқұйрықтар, оңдатра, қояндар. Ал тасымалдаушылары әрі сақтаушылары — буынаяқты қансорғыштар мен иксодтық кенелер.

Инфекция көзі:

• әр түрлі жабайы омыртқалы жануарлар (кеміргіштер, қояндар, тышқандар)
• ауылшаруашлық жануарлар (қой, шошқа, ірі қара малдар, солтүстік бұғысы)
• үй жануарлары (иттер)

Таралу жолдары:

қарым-қатынас арқылы (зақымдалған тері жабыны, шырышты қабат арқылы), тағам арқылы,  ауа-шаң, трансмиссивті (кене тістесе).

Мерзімділігі — жаз-күз айлары.

Клиникасы — Инкубациялық кезең бірнеше сағаттан 7 күнге дейін, кейде 10 күн болады. Интоксикациялық симптомдар: қалтырау, дене қызуының жоғарлауы, бас ауру, бұлшық еттердегі ауырсыну (аяқ, бел, арқа бұлшық еттері), ұйқысының бұзылуы, тәбетінің төмендеуі, құсу. Науқастың беті, көз конъюктиві қызарады.

Туляремияның алдын алу — сақтану үшін мынандай ережелерді сақтау қажет:

• Кененің киімнің ішіне кіру мүмкіндігін азайтатын киім кию;
• Киімге жабысқан кенелерді анықтау үшін өзін әрбір 10-15 минут сайын үнемі қарап отыру;
• Табиғат аясынан оралғаннан кейін киімді және денені толықтай қарап шығу;
• Кәсіпорындарында, тұрғын үй-жайларда, бау-бақша учаскелерінде кеміргіштермен күрес жүргізу (тұзақтарды, уланған жемдерді пайдалану);
• Кеміргіштердің тістеуінен сақтану, арнайы қолғаптарды кию;
• Кенеге, масаға қарсы арнайы құралдарды пайдалау қажет.

Қазіргі уақытта вакцинация туляремияның алдын-алудың негізгі тәсілі болып табылады.

Халықты туляремияға қарсы жоспарлы профилактикалық вакцинациялау:

• Жайылмалы-батпақты, тау бөктеріндегі бұлақ типтердегі табиғи ошақтар мен тұрақты резервация аймағының тұрғындарына;
• Туляремияның нақты табиғи ошағында тұратын адамдарға;
• Тәуекел тобына жататын адамдарға: аңшыларға, балықшыларға, бағбандарға, егіншілерге адамдарға жүргізіледі.