«Ерлікке тағзым, ұрпаққа үлгі»

Алматы қаласы Әуезов ауданы
КМҚК «№64 бөбекжай-балабақшасы»
Дене шынықтыру нұсқаушылары:
Ахмадиева Бибигуль Куттыбаевна
Кабылова Эльмира Курмановна

         7 мамыр – Қазақстан Республикасында Отан қорғаушылар күні ретінде атап өтілетін ерекше күн. Бұл мереке еліміздің Қарулы Күштерінің құрылған күнін ғана емес, Отан қорғаушылардың ерлігі мен қызметін дәріптейді. Осы орайда, балалардың бойында патриотизм мен ұлттық құндылықтарды қалыптастыру мақсатында балабақшаларда түрлі іс-шаралар ұйымдастырылады. Солардың бірі – спорттық ойындар.

Балабақшадағы спорттық ойындар балалардың физикалық дамуын ғана емес, олардың рухани және моральдық өсіп-өнуін де қамтамасыз етеді. Отан қорғаушылар күніне орай біздің балабақшамызда ересек «Ақ көгершін» тобы тәрбиеленушілерімен өткізілген спорттық іс-шаралар балаларды ел қорғаудың маңызы мен қажеттілігін түсіндіруге, оларды ерлік пен батылдыққа тәрбиелеуге арналған.

Спорттық ойынның мақсаты:

1. Физикалық дамыту: Балалардың дене шынықтыруы мен күш-қуатын арттыру.
2. Патриоттық тәрбие: Отан қорғаушылар күніне орай балаларға еліміздің батырлары мен ержүрек азаматтарының ерліктерін таныстыру.
3. Командалық рух: Балаларды топ болып жұмыс істеуге, бір-біріне қолдау көрсетуге үйрету.

Спорттық ойын балалардың жас ерекшеліктеріне сәйкес ұйымдастырылды. Әрбір ойын баланың дене бітімін, жылдамдығын, ептілігін, реакциясын дамытуға бағытталды. Сонымен қатар, олар командалық жұмысқа да көңіл бөлді.

Сайыс 6 кезеңнен тұрды:

1. Таныстыру;
2. Құпия хат жеткізу;
3. Жертөледен өту, нысанаға жету;
4. Доғаның астынан еңбектеп өту;
5. Тез жеткіз;
6. Батпақтан өту.

Тәрбиеленушілер 2 командаға «Жаз сарбаздар», «Барлаушы» болып бөлініп сайысқа түсті. Сайыста тәрбиеленушілер ерекше ептілік пен жылдамдықты қоса отырып, кезеңдерді оңай бағындырды.
7 мамыр – Отан қорғаушылар күні балабақшадағы спорттық ойындар арқылы балаларға Отанды қорғаудың маңызы мен құндылықтарын түсіндірудің тамаша мүмкіндігі. Спорттық шаралар балаларға физикалық ғана емес, рухани тәрбие береді, ержүрек, күшті әрі бір-біріне қолдау көрсетуге дайын азаматтарды тәрбиелеуге көмектеседі. Отан қорғаушылар күнін атап өту арқылы біз болашақ ұрпаққа ерліктің, батылдықтың, бірліктің және Отанға деген сүйіспеншіліктің маңызын ұғындырамыз.