Халықтың санитарлық-эпидемиологиялық саламаттылығы саласында бақылау мақсатында сатып алу

Алматы қаласының Әуезов ауданының
санитариялық-эпидемиологиялық
бақылау басқармасының басшысы
Исембаева Асима Бақытжановна

санитариялық-гигиеналық бақылау,
техникалық регламенттер талаптарының
сақталуын бақылау  бөлімінің бас
Жансеркеева Н.Т.

Халықтың санитарлық-эпидемиологиялық саламаттылығы саласында бақылау мақсатында сатып алу

Халықтың санитариялық-эпидемиологиялық саламаттылығын қамтамасыз ету мемлекеттік саясаттың маңызды бағыттарының бірі болып табылады. Санитариялық-эпидемиологиялық жағдайды бақылау үшін нарықтағы өнімдерге, тамақ өнімдеріне, тауарларға және қызметтерге жүйелі түрде мониторинг жүргізу қажет. Осы мақсатта «бақылау мақсатында сатып алу» әдісі қолданылады.

Бақылау мақсатында сатып алу — халық арасында тұтынатын өнімдердің, тауарлар мен қызметтердің сапасы мен қауіпсіздігін тексеру үшін оларды жасырын сатып алу және кейін зертханалық тексеруден өткізу процесі. Бұл әдіс халықтың денсаулығын қорғау үшін санитариялық нормалар мен ережелердің орындалуын бақылауға мүмкіндік береді.

2025 жылғы санитариялық-эпидемиологиялық талаптарға сәйкес, бақылау мақсатында сатып алу іс-шаралары өнімнің қауіпсіздігін, сәйкестігін және сапасын қамтамасыз ету жүйесінің маңызды элементіне айналды.

Бақылау мақсатында сатып алуды жүргізу тәртібі:
Сатып алу кезеңі:

1.Арнайы уәкілетті тұлғалар (санитариялық-эпидемиологиялық бақылау органдарының мамандары) күнделікті тұтынатын өнімдерді жасырын түрде сатып алады.

2.Сатып алынған өнімдер өнім түріне қарай (азық-түлік, тұрмыстық химия, балалар ойыншықтары, косметикалық өнімдер және т.б.) топтастырылады.

Зертханалық тексеру кезеңі:

1.Сатып алынған өнімдер аккредиттелген зертханаларға жеткізіліп, физикалық, химиялық, микробиологиялық көрсеткіштер бойынша тексеріледі.

2.Өнім құрамындағы қауіпті заттар деңгейі, микробтық ластану, қолданылған консерванттар мен қоспалардың сәйкестігі анықталады.

Нәтижелерді талдау:

1.Зертханалық нәтижелерге сүйене отырып, өнімнің қауіпсіздік талаптарына сәйкестігі немесе сәйкессіздігі туралы қорытынды беріледі.

2.Сәйкессіз өнімдер анықталған жағдайда, өндірушілерге немесе сатушыларға қатысты шаралар қолданылады (ден қою шаралары, айыппұл, өнімді саудадан алып тастау.).

Бақылау мақсатында сатып алудың маңызы:

1.Халықтың тұтынатын өнімдерінің қауіпсіздігін қамтамасыз ету;

2.Тауар өндірушілер мен сатушылар арасында санитариялық талаптарды сақтау жауапкершілігін арттыру;

3.Инфекциялық және токсикалық аурулардың алдын алу;

4.Нарықтағы өнім сапасының жақсаруына ықпал ету.

Халықтың санитариялық-эпидемиологиялық саламаттылығын сақтау мақсатында бақылау мақсатында сатып алу — денсаулықты қорғаудың тиімді тетігі болып табылады және қауіпсіз нарық қалыптастыруға үлес қосады.