Ел болашағы — білімді жастар!

Әл-Фараби атындағы Қазақ ұлттық университеті
1-курс докторанты Есполова Ж.Е.
ф.ғ.д., профессор Авакова Р.А.
PhD Утемгалиева Н.А.
PhD Алдашева Қ.С.
PhD Қондыбаева Р.Ж.

Ел болашағы — білімді жастар!

Әл-Фараби атындағы Қазақ ұлттық университеті – Қазақстанның ғана емес, Орталық Азияның ең беделді жоғары оқу орындарының бірі. 1934 жылы негізі қаланған университет бүгінгі күні еліміздің білім беру жүйесінің көшбасшысы болып табылады. Қазақ ұлттық университеті білім, ғылым және инновациялар саласында Қазақстанның негізгі орталығы ретінде ерекше орын алады. Бұл оқу орны Қазақстанның ғылыми әлеуетін арттыруда, білім беру сапасын көтеруде және әлемдік аренада еліміздің имиджін нығайтуда маңызды рөл атқарып келеді. Әл-Фараби атындағы Қазақ ұлттық университеті – білім берудің сапасын үнемі арттырып, оқу процесіне жаңа әдіс-тәсілдерді енгізіп отыратын білім ордасы. Қазақ ұлттық университетінің миссиясы – заманауи білім мен ғылымды ұштастыра отырып, қоғамды дамытуға үлес қосатын білікті мамандарды даярлау. Университеттің оқу бағдарламалары халықаралық стандарттарға сай келеді және ғылыми-зерттеу қызметтері білім алушыларды терең біліммен қамтамасыз етеді.

Қазақ ұлттық университетінің негізгі мақсаттарының бірі – жастарды тек теориялық біліммен емес, практикалық дағдылармен де қамтамасыз ету. Бұл университетте білім алу – бұл жаңа технологиялар мен инновациялар арқылы қоғамның дамуына үлес қосатын маман болу жолындағы алғашқы қадам. Қазақ ұлттық университеті барлық білім беру деңгейлерінде, соның ішінде бакалавриат, магистратура және докторантурада білім беруді қамтамасыз етеді.

Қазақ ұлттық университеті халықаралық рейтингтерде жоғары орындарға ие бола отырып, Қазақстанның білім беру жүйесін әлемдік деңгейде танытуда үлкен рөл атқарады. Университеттің сыртқы байланыстары мен халықаралық зерттеу жобалары Қазақстанның ғылым мен білім саласындағы халықаралық ықпалын арттыруға бағытталған. Қазақ ұлттық университетінің стратегиялық бағыты – заманауи білім беру мен ғылыми зерттеулерді дамыту. Университет өз студенттеріне тек теориялық білім беру ғана емес, оларды зерттеу және инновациялар саласында да шыңдайды. Қазақ ұлттық университетінің ғылыми-зерттеу орталықтары мен оқу бағдарламаларының жаңартылып отыруы университеттің болашақтағы ғылым мен білімнің жетекші орталығы болуға ұмтылысын көрсетеді.

Әл-Фараби атындағы Қазақ ұлттық университеті тек білім беру ордасы ғана емес, сонымен қатар ғылыми-зерттеу орталығы болып табылады. Университеттің ғылыми-зерттеу жұмыстары әртүрлі салаларды қамтиды, атап айтқанда, инженерия, ақпараттық технологиялар, биология, медицина, экология, экономика және әлеуметтік ғылымдар. Соның ішінде, Филология факультетінің зерттеу жобалары ұлттық және халықаралық деңгейде кеңінен танылып, ғылымның дамуына маңызды үлес қосуда.

Филология факультетінің білімі мен сапасы үшін аянбай еңбек етіп келе жатқан деканымыз Жолдасбекова Баян Өмірбекқызы және «Түркітану және тіл теориясы» кафедрасының меңгерушісі Авакова Раушан Амирдинқызының еңбегі орасан зор. Кафедра университет көлемінде өткен байқауда «Ғылыми жетістіктері» үшін үздік кафедра атағын жеңіп алды. Кафедра оқытушылары Қытай, АҚШ, Түркия жоғары оқу орындарында жұмыс істеп, Чехия, АҚШ-та білім алды. АҚШ, Қытай, Түркия, Венгрия, Словакия, Словения, Болгария, Нидерланды, Германия, Финляндия, Чехия, Польша, Украина, Белоруссия, Ресей, Өзбекстан, Қырғызстан және т.б. елдерде Халықаралық конгрестер мен конференцияларда баяндама жасады. Халықаралық ғылыми ынтымақтастық аспиранттар мен докторанттарға ғылыми жетекшілік етуден профессорлық-оқытушылар құрамы: Э.Д. Сүлейменова,
Р.А. Авакова, Г.Мәдиева, Ж. Ибраева және т.б. кафедраның білікті де, белді оқытушылары Қытай, Корея, Жапония, АҚШ, Германия, Испаниядан келген аспиранттардың ғылыми жетекшісі және кеңесшісі болды. Кафедра «Лингвистика», «Шетел тілі: екі шет тілі» және «Түркітану» салалары бойынша қазіргі заман талабына жауап бере алатын жоғары білікті бәсекеге қабілетті мамандар дайындайды.

Ертеңгі болашағыңа именбей, сеніммен қарап, анық қадам басуыңа жағдай туғызар
Әл-Фараби атындағы Қазақ ұлттық университеті алдыңғы көшінде сап түзеген Филология факультетінің есігі әрдайым ашық!