Білім айнасы Республикалық газет Алматы қаласы Наурызбай ауданы,
«№172 бөбекжай- балабақша» КМҚК
әдіскері Хасенова Меруерт Жанибековна
Алматы қаласы Білім басқармасы Қалалық білім берудегі жаңа технологиялардың ғылыми-әдістемелік орталығы мектепке дейінгі тәрбие мен оқыту бөлімінің жұмыс жоспарына сәйкес 6 ақпан күні құзыреттілік орталықтардың тәжірибесін тарату мақсатында Наурызбай ауданы №172 бөбекжай-балабақшамызда «Балабақшада біртұтас тәрбие бағдарламасы аясында шығармашылық әдіс-тәсілдерді қолдану» тақырыбында қалалық семинар өтті.
Тәрбие – ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Дәл осы өскелең ұрпағымыз ұлттың сапасын құрайды. Сондықтан да қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу маңызды.
Тәрбие мен оқыту өзара тығыз байланысты, бір бірінен бөліп алуға болмайтын біртұтас процесс.
Семинар барысында Наурызбай аудандық білім бөлімінің басшысы Кусайнова Салтанат Амангелдиевна сөз сөйлеп қазіргі таңда білім беру ұйымдарында Біртұтас тәрбие бағдарламасын іске асырудың маңыздылығына тоқталып өтті. Сонымен қатар КМҚК №172 бөбекжай-балабақшасы» меңгерушісі
Бияхметова Гулнара Кукентаевна Құзыреттілік орталықтармен таныстырып өтті.
Әдіскер Хасенова М.Ж және педагогтері Тәрбиешілер Керимкулова С Каинбаева Н, «Әжелер мектебі», «Әжемнің қол өнері»,әжелеріЖурунова С,Илебаева Н,Агибекова С, «Әкелер мектебі» тәрбиешілер Кеңесбекқызы Қ.Жунисова Г «Әкемнің өсиеті» әкелері Умурзаков Е,Джетылов Р,Калипбеков М,Сеиткасымов С.«Аналар мектебінің» «Анамның тәтті тоқашы» тәрбиеші Жұмабекова Н,аналары Білалхан Үміт,Байбуланова Мадина,Ертегі әлемінде «Үйшік» атты ертегіні сомдады тәрбиешілер Амирова Н,
Калимбетова К
тиімділігі, балалардың коммуникативтік тілдік дағдыларын дамытуға бағытталған театр алаңдарында озық
іс-тәжірибелерімен бөлісіп, балабақша мен ата-ана арасындағы байланысты нығайту жолдарын көрсетті. КМҚК «172 бөбекжай-балабақшасы» ән жетекшілері мен спорт нұсқаушылары шебер-сынып музыкалық ойындар мен ұлттық ойындар көрсетті. «Менің пікірім құнды атты» кері байланыс өткізілді. Келген қонақтар өз пікірлерін айтып балалабақшаға алғыстарын айтты. Қалалық семинарға мемлекеттік, жекеменшік балабақшалардан 65 педагог қамтылды.
Жас ұрпақты әдепті де саналы, арлы да абыройлы етіп тәрбиелеу үшін ең алдымен әдет-ғұрпымызды, дәстүрлі дінімізді, ата-бабаларымыздан қалған мұраларды олардың саналарына сіңіре білуіміз қажет. Әр сабақтарда тәрбиеленушілер ұлттық құндылықтарға терең бойлап, рухани тұрғыдан да зейіндері артады. Сананы сан мыңдаған ақпарат алаңдатқан бүгінгідей жаһандану кезеңінде жастарды рухты етіп есейту үшін оларды ата жолдан алшақтатпай, салт-дәстүр негіздерімен сусындатқан абзал. Біз осы жолда ата-аналармен ынтымақтастық орната отырып, жүйелі жұмыстар жүргізудеміз.
Баланың бос уақытын тиімді жоспарлауға үйрету, оларды жаһанданудан сақтап, ұлттық құндылықтар негізінде тәрбиелеу, сол арқылы білімді де саналы тұлға қалыптастыру – балабақшамыздың басты мақсаты. Осы бағытта үнемі жұмыстар атқара отырып, білікті де білімді мамандарымызбен бірлесе отырып, әлі талай саналы шәкірт тәрбиелеп шығаратынымызға сеніміміз зор дегім келеді.
