Білім айнасы Республикалық газет 
Алматы қаласы, Алмалы ауданы
№182 бөбекжай-балабақшасы
Әбдікәрім Арузат Әлібекқызы
Табиғат адамзаттың өмір сүру ортасы, бірақ қазіргі таңда экологиялық мәселелер өте өткір болып тұр. Ауа ластануы, су ресурстарының жетіспеушілігі, табиғи ресурстардың сарқылуы — бұл мәселелерге жастарды жауапкершілікпен қарап, табиғатты қорғау идеясын ерте жастан бастап сіңіру өте маңызды. Экологиялық тәрбие балалардың табиғатқа деген сүйіспеншілігін, құрметін қалыптастыруға негізделеді. Балабақшада экологиялық тәрбие беру тек білім беріп қана қоймай, жас ұрпаққа табиғатты қорғаудың маңыздылығын түсінуге көмектеседі.
Экологиялық тәрбие балабақшада түрлі әдістер арқылы жүзеге асырылады. Мысалы, табиғат туралы ертегілер, ойындар, сурет салу және табиғатты бақылау жұмыстарын ұйымдастыру. Балалар табиғатпен тікелей байланысқа түсіп, оны сезіну арқылы экологиялық дағдыларды игереді. Экологиялық тәрбие жүргізудің тағы бір тәсілі — балаларды жергілікті экологиялық жағдаймен таныстыру. Олар өздерінің тұратын аймағында не болып жатқанын, қандай өсімдіктер мен жануарлар мекендейтінін білуі тиіс.
Балабақшада жасалатын экологиялық жобалар, табиғатқа қамқорлық жасауға бағытталған әрекеттер (қоқыс жинау, көшеттер отырғызу, табиғи материалдардан қолөнер жасау) балалардың табиғатқа деген жауапкершілігін арттырады. Сонымен қатар, олар экология мәселелерін шешуге қатысты нақты әрекеттерді өздері жасап көріп, болашақта табиғатқа оң әсер ету жолдарын табады.
Балабақшада экологиялық тәрбие беру — бұл тек балалардың білімін арттыру ғана емес, оларды табиғатты қорғауға және аялауға деген қажеттілік сезімін қалыптастыру. Бұл бағытта балабақша педагогтары мен ата-аналар бірігіп жұмыс істеп, баланы экология мәселелерімен таныстырып, оған жауапкершілікпен қарауды үйретуі тиіс. Экологиялық тәрбие арқылы баланың табиғатқа деген махаббатын қалыптастырып, оны қоршаған ортаға деген қамқорлық сезіміне тәрбиелей аламыз.
