“Қош келдің — әз Наурыз”

Отарбаева Дарига Ергалиевна
Алматы қаласы, Алатау ауданы
МКҚК «№ 164 бөбекжай – балабақшасы кіші
«Қошақан» тобының тәрбиешісі

                           Жүргізуші: Армысыздарма, ағайын! Қайырлы күн, құрметті ұстаздар, ата-аналар, балалар! Жер жүзіндегі халықтардың бәрінің де түрлі мейрамдары бар. Шығыс халықтарының сондай ерекше мейрамдарының бірі – Наурыз. Дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

Наурыз келді, жайраң қақты таң күліп,

Жап-жасыл болып кетті дүние жаңғырып.

Жақсылыққа жаршы болған Наурызым!

Сен өмірдің көктемісің мәңгілік!

 Жүргізуші:Жаңа жылда Қызыр баба үйге кірсе, ол үй ауру-сырқаудан, пәле-жаладан аман болады деген сеніммен Наурызға дейін адамдар үйін қағып-сілкіп, тазартып қоятын болған. Ел арасында 21 наурыз түні даланы Қызыр баба аралайды деген аңыз бар. Осыған сенген халық дәулет дарып, бақ қонсын деген мақсатпен есіктерін ашып қояды. Наурыз мейрамы негізінен адамдардың көрісуінен басталады. Жігіттер төңіректегі бұлақтардың көзін ашып, бұлақ басына тал еккен. Жаңа шыққа күнге иіліп сәлем берген. Ренжіскен ағайындар татуласқан.Ұлыстың ұлы күні кем дегенде жеті түрлі дәмнен тұратын  Наурыз көже дайындалады. Наурыз көжеге соғымнан қалған сүр ет, қойдың басы,  қатық, сүт, бидай, тұз, су қосылады.

Жүргізуші: Мереке қарсаңында бәріміз бірге «Қаражорға» биін билейік! Балалар ата аналарымен ортаға шығады, басқалары да қосылып билейді.

Құтты болсын әр күнің, Сыйла, бақыт баршаға.

Сәбидің әсем шат үнін,Тыңдат абзал анаға.

Наурыз – достық, Наурыз – күн.

Барша халық бірлігі. Тағы келді ұлыс күн.

Жалғасып ғалам тірлігі. (Осы жерде «Көрісу» дәстүрі сахналанады). Артынан күй тартылады.

Жүргізуші: Құрметті, балалар енді сіздерді қазақтың ұлттық ойындарын ойнауға шақырамыз.

1. Асық ойынынан жарыс
2. Арқан тартыстан жарыс
3. Бесікке салу салт дәстүрімізді дәріптейміз.

Жүргізуші: Шашу! Шашу! Көп шашайық шашуды,

Жауғандай кеп аспаннан нөсер жаңбыр.

Уа, жамағат, теріп ал несібіңді, Ризығың болсын көл – көсір!

Жүргізуші:

Қашанда құт – береке орнасын деп,

Тойларда шашу шашу — салты елімнің.

Уа, халайық! Теріп ал несібіңді,

Қабыл болсын, жамағат, ақ тілеуің!