«Ардақты асыл Аналар»

Куракова Лаззат Нуржауовна
Алматы қаласы, Алатау ауданы
МКҚК № 164 бөбекжай балабақшасы
ересек «Тұлпар» тобының тәрбиешісі

 Залға ұлдар мен қыздар шығып вальс билейді
Армысың мейірімді аналарым,

Мейірбан ашық көңіл даналарым,

Гүл көктемнің алғашқы мейрамымен,              Жанерке

Құттықтайды сіздерді балаларың

Армысың ақжаулықты әжелерім,

Ақылы дариядай кемеңгерім                              Асылай

Ардақты аналардың мейрамында

Арнайды бүлдіршіндер өлеңдерін,

Хор:  Көктем

Жүргізуші: Қош келдіңіздер аяулы аналар, асыл әжелер, қызғалдақ қыздар. Көңілдеріңізге көктем шуағындай,сезім мен нұрқұйып 8-наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана өмірдің гүлі көңілдің жыры әр отбасының алтын діңгегі. Ендеше көктемнің алғашқы күндеріне арналған ертеңгілігімізді бастауға рұқсат етіңіздер.

Жүргізуші:

Ару ана өмірдің асылдары,

Жайнаған көңілімнің жасыл бағы

Сіздер үшін ән мен би өлең мен күй

Сіздер үшін мереке шашулары

Жүргізуші: Олай, болса асыл аналар, Ақжаулықты әжелер мерекелеріңіз құтты болсын.

Біздің балаларымыздың өлең шумақтарын тыңдаңыздар: (Р.Айша,Аяла. Әлібек,Ж.Альфия,Асылхан,Аяна,Осман,Сафия,Б.Айша,Дания.)

Жүргізуші:Жер әлемді жайнатып,

Әнші құстарды сайратып,

Гүлге бөлеп даланы,

Әнге бөлеп қаланы,

Көрікті көктем келді

(Ортаға музыкамен көктем,құс кіреді)

Көктем:

Мен көңілді көктеммін,

Былтырда келіп кеткенмін

Құшағым гүлге толсын деп

Нөсерімді төгемін.

Жүргізуші:

Ару көктем,құс, қошкелдің, төргешық. Сенің көктемгі жаңбырыңның арқасында айналамыз әсемдікке кенелді. Кең байтақ даламыз гүлге бөленді. Сондықтан ару көктем біз саған ризамыз.

Құс: менім кішкентай құстарым осында екенгой қанекей орта шығып әдемілеп аналарымызға билеп берейік.

Би:Құстар

Жүргізуші: Біздің халық өнерпазға бай тегі.

Әнші деп те күйшідеп те айт оны

Күлімдеген көктемге ана жайлы

Жақсылап бір ән шырқасақ қайтеді

Жеке ән: «Ана»(Айлин)

Көктем:

Гүлдердің сан алуан,

Түрлерін мен білемін

Сол гүлдерді өсіріп

Аялаумен келемін

(Гүлдер орынан тұрады.)

Жауқазын:

Жауқазынмын жайқалған

Сұлу гүлмін жайнаған              Аяна

Көктемде мен гүлдесем

Құлпыра кетер айналам

Раушангүл:

Әдемімін сұлумын,

Менен қай гүл аса алған                  Амина

Мен боламын раушангүл

Гүл патшасы атанған

Көктем:

Кең даламды хош иісімен, сұлулығымен жайнатқан менің әсем гүлдерім аналарымызға қуаныш сыйлап би билеп берейік.

Би: Гүлдер

Жүргізуші:Ардақты асыл аналар. Мінекей күлімдеген көктем келіп айналамыз құлпырып кетті.

Олай болса аяулы аналарын құттықтауға келген бүлдіршіндердің ыстық ықыласын таңдайық.

Балалар тақпақ айтады.

Тақпақтар: (Амир,Кербез,Ақжібек,Али,Нүрали,Хамза,Асима,Амина,Айжамал,Нұрислам)

Құс:Ойын балалармен

Жүргізуші: Осы бір тамаша ойыннан соң біз  мерекемізді одан әрі қарай жалғастырамыз.

Ана деген бәйтерегі өмірдің

Ана деген қуанышы көңілдің

Ана деген әрбір үйдің жылуы

Ана деген гүлі туған өңірдің

Ана бір қолымен бесік тербетсе бір қолымен әлемді тербетеді. Ананың көз нұры тастай мұзды да жібітеді екен ендеше асыл аналарды құттықтауға әрдайым дайын болайық балалар.Мың бұралған биші баларымыздың биін тамашалайық.

Би «Маммария»

Жүргізуші: балалар сендерде келешекте  ел қорғайтын азаматтар боласыңдар! Қане балалар! Сендер үйде аналарыңа қандай көмек бересіздер? Соны айтып беріңдерші. Сендер үйде аналарыңа қандай көмек беретіндеріңді білейік.

Қалай көмектесем деп

Ертелі кеш ойладым

Ыдыстар сынып қалар деп       Бектөре

Кір болсада жумадым

Шаңы шығып кетер деп

Үй сыпырып қоймадым

Үйді жинап қояр ем                           Оспан

Тамақ жасай алмаймын

Еденде жуа алмаймын

Анама берер көмегім

Мазасын алмай ойнаймын.

Жүргізуші: Мінекей, ардақты аналар! Біздің балаларымыздың берген жауабы осы болды. Расыменде бұл балалар қанша тырысып көмектескісі келгенімен шамалары келмейді. Себебі, олар әлі ойыны қанбаған ойын баласы емеспе?

Ойын: Ата анамен шар лақтыру

Жүргізуші:

Асыл анам жасыл бағым жайнаған

Сол бағымда асыр салып ойнағам

Пәк жүрекпен жыр жазды перзентің

Бар тілегі сіздерге арналған.

Асыл аналар балаларымыз сіздерге деген ақ тілектерін жолдамақшы қабыл алыңыздар!

Тақпақтар: (Жанерке.Мұрат,Бектөре,Ерназар,Оспан, Қ.Альфия,Айлин,Асылай,Айсұлтан,Даяна)

Би: Отбасы

Жүргізуші:

Асыл аналар! Мінекей сіздерді әлпештеп аялап отырған балапандарыңыз болашақта беделді азаматтар болатынына біз сенеміз. Әлемнің бастауы мен таусылмайтын қазынасы өздеріңіз. Мәпелеп отырған балапандарыңыз сіздерге деген шексіз алғысын әнмен жеткізгісі келеді.

Ән: «Айналайын ақ мамам»