«Туған күніңмен Жер — Ана»

Аскарова Елзат Бакытовна
Алматы қаласы, Алатау ауданы
МКҚК «№164 бөбекжай – балабақшасы
ортаңғы «Балапан» тобының тәрбиешісі

Мақсаты: Балаларға табиғат біздің тіршілік көзіміз, баға жетпес байлығымыз екенін ұғындырып, балаларға экологиялық білімін тереңдету, табиғатты қорғауға, аялауға тәрбиелеу, жердегі барлық тіршілік иесіне жауапкершілік көзқарасын қалыптастыру.

Мазмұны: Экологияға байланысты өлеңдер жаттау, табиғатқа арналған жұмбақтар шешу, экология тақырыбына байланысты әңгімелесу, «Табиғаттың ғажап көріністері» атты слайд көрсету, өсімдіктер және жануарлар туралы әдеби шығармалар оқу, ғарышпен таныстыру, «Жер — Ана» тақырыбына сурет көрмесін ұйымдастыру.

Балалар жай музыка әуенімен залға кіреді.

Жасыл шөпті жұлуға болмайды, ол біздің жерімізге көрік береді.

Ағашты кесуге болмайды, ол бізге таза ауа береді. Суды ластауға болмайды, сусыз өмір жоқ.

Күнімізді бұлт баспасын.

Көрнекіліктер: Табиғатқа байланысты суреттер, жылдың төрт мезгілі.

Әдіс-тәсілдер: сұрақ-жауап, түсіндіру,оқу , әңгімелеу.

Тәрбиешінің оқу қызметі:

-Балалар көңіл күйлерің қалай ?

Жылулық шеңберіне тұрып, жылы сөздер айту.

-Балалар, қуанышымызды бір-бірімізге жеткізейік.

Біз қандаймыз, қандаймыз

Шұғылалы таңдаймыз

Күлімдеген күндейміз

Ренжуді білмейміз

Қуанамын менде

Қуанасын сенде

Қуанайық достарым

Арайлап атқан күнге

Балалар тәриешінің көмегімен өлең жолдарын бірге қайталап , қимылмен көрсетеді.

Жарайсыңдар балалар енді бәріміз күнге қарайықшы

-Күнбізге не береді?

Сәуле , жарық , жылу береді

Олай болса күнмен амандасып алайық.

Сәндетіп даламыз

Сәулетті қаламыз

Сәлем күн анамыз!

-Алдымен балалар мен сендерге табиғат әлеміне байланысты жұмбақтар жасырайын. Осы жұмбақтардың жауабы біздің жаңа ашық оқу қызметімізге байланысты.

Қағар, қағар, қағар кілем,

Қағайын десем ауыр кілем.

Зер, зер кілем, зер кілем,

Көтерейін десем зор кілем.(Жер)

Таңмен көзін ашады

Әлемге нұрын шашады (Күн)

-Балалар адамдар күннің жарығы және жылуынсыз өмір сүре алама?

-Ал жануарлар мен өсімдіктерше?

-Әрине жоқ жер бетіндегі барлық тіршілік иелеріне сәуле, жарық,жылу өте қажет балалар.

Дәміде жоқ, түсіде жоқ

Пайдаланбас кісі де жоқ (ауа)

-Балалар жұмбақтың шешуін табады.

Ал ауасыз тіршілік етуге болама?

-Жоқ өмір сүре алмайды.

-Жан-жануарларғада, адамдарғада күннің сәулесі өте қажет

Жарайсыңдар балалар

Жұмбақтың шешуін дұрыс таптыңдар?

-Балалар бүгінгі біздің ашық оқу іс-әрекетіміздің тақырыбы «Туған күніңмен- Жер ана» деп аталады.

-Ендеше біздер бүгін осы бізге өмір сыйлаған , қоршаған орта табиғат туралы сыр шертеміз.

Тақырыбымызға байланысты жаттаған тақпағымыз бар еді ал қонақтарымызға айтып берейік:

Жарайсыңдар балалар. Сонымен балалар табиғат нешеге бөлінеді

-Табиғат екіге бөлінеді

-Өлі табиғат жәнетірі табиғат

— Жер — біздің асыраушымыз. Біздің тағамымыз да, киетін киіміміз де, тіпті, оқу оқып, білім алып отырған кітаптарымыздың жасалуына да осы Жер — ананың көмегі зор. Ал осы жердегі тіршілік етуші құстарға да, жан — жануарларға да, өсімдіктерге де қамқоршы тек қана адамдар екенін ұмытпаңдар. Олай болса, Жер — анамызды күтіп, баптай білейік.

Балалар қоректенбейтін , тыныс алмайтын, ештеңені сезбейтін, өспейтін нәрселерді біздер өлі табиғатқа жатқызамыз. Өлі табиғатқа ауа,су, күн, жер, тау, тастар жатады. Ал тірі табиғатқа жаны бар заттар жатқызамыз. Тірі табиғатқа адамдар, жануарлар, өсімдіктер жатады. Табиғаттың төрт жыл мезгілдері бар. Рефлексивті коррекциялауышы: балалар біздер бүгін қандай тақырыпта сыр шерттік , таныстық. Табиғат туралы. Сұрақ-жауап арқылы балаларды қорыту. 1. Табиғат қанша бөліктен тұрады? — Екі бөліктен тұрады. 2. Өлі және тірі табиғатқа нелер жатады? –Өлі табиғатқа ауа, су, күн, жер, тау, тастар жатады. –Тірі табиғатқа адамдар, жануарлар, өсімдіктер жатады. 3. Бір жылда неше мезгіл бар? –төрт мезгіл бар Ұйымдастырылған ашық оқу қызметінің соңында балаларға смайликті сыйға тартылады.

Күтілетін нәтиже:

Білу керек: Табиғатты қорғап, оны аялау керектігін

Қорытынды:

Біз бүгін адамның өзінің туған жеріне, табиғатына сүйіспеншілік, қамқорлық көрсету керектігін түсіндік.

— Күн мейірін шашса, жаңбыр жерге нәр береді. Ал құстар біздің досымыз. Олар бізге тамаша ән салып, көңілімізді көтереді, табиғатқа көрік береді. Жеміс ағаштары, көкөністер Жер — Анадан өсіп өнеді екен. Барлығымыз айнала қоршаған табиғатқа қамқор болып, оны күтіп, баптап, сүйіспеншілікпен қарауымыз керектігін білдік.

Балаларды мақтап мадақтау.