Білім айнасы Республикалық газет Сүт және сүт өнімдеріне қойылатын талаптар Кеден одағының 033/2013 техникалық регламенттерінде сипатталған. Өнім қаптамасында мынандай ақпарат болуы тиіс:
-дайындаушының атауы және орналасқан жері.
-Өнімнің шыққан елі және заңды мекен-жайы, сүт және сүт өнімдерінің атауы;
-сүт өнімдерінің атауы оның табиғи немесе құрамында сүт бар өнім екендігін нақты көрсетуі керек;
-тауар белгісі (сауда маркасы) (бар болған жағдайда);
-таза салмағы;
-құрамына кіретін компоненттер көрсетілген өнім құрамы, тағамдық және энергетикалық құндылығы;
-дайын байытылған өнімде микро және макроэлементтердің, дәрумендердің және т.б. құрамы;
-өнімнің дайындалған күні және жарамдылық мерзімі;
-сақтау шарттары, қаптаманы ашқаннан кейін сақтау шарттары;
-шығарылатын өнімдерге дайындаушының стандарты немесе техникалық құжаты;
-ЕАС белгісі, ГТА(генетикалық түрлендірген ағзалар) туралы мәлімет. Таңбалауға қойылатын талаптар мемлекеттік және орыс тілдерінде тұтынушыға түсінікті болуы тиіс.
Сүт және сүт өнімдері тағамдық құндылығы жоғары тағамдарға жатады. Олардың құрамында маңызды қоректік заттардың едәуір мөлшері бар, сіңімділігі жоғары өнім болып табылады. Диета ұстаушылар үшін жануарлар ақуызының негізгі көзі осы сүт өнімдері. Дегенмен дұрыс өндірмеген немесе сақталмаған жағдайда бұл өнімдерінің барлығы бірдей қауіпсіз бола бермейді.
Сапасыз сүт пен сүт өнімдерін тұтыну бірқатар аурулардың пайда болуына себеп болуы мүмкін. Ең алдымен-жедел ішек инфекциялары, өйткені сүт және сүт өнімдері тез бұзылатын өнімдерге жатады және патогендердің тез көбеюі үшін қолайлы орта болып табылады.
Сонымен қатар ауру сиырлардың шикі сүті арқылы адамға бруцеллез сияқты ауыр инфекциялар берілуі мүмкін.
Егер Сіз сүт өнімдерінің сапасы мен қауіпсіздігіне күмәніңіз болса, сатушыдан тауардың техникалық реттеу туралы заңнама талаптарына сәйкестігін растайтын құжаттарды талап етуге құқылысыз!
Алатау ауданының санитариялық-эпидемиологиялық бақылау басқармасының басшысы Толқынбеков М.М.
Алатау ауданының санитариялық-гигиеналық және техникалық регламенттерді бақылау, қадағалау бөлімінің бас маманы Досетова А.К.
