Дауренбекова Жанар Молдагалиевна
Алматы қаласы Алмалы ауданы
КМҚК №14 бөбекжай балабақшасы
тәрбиеші
Түлкі бикеш
Білім беру: Шығармашылық
Ұйымдастырылған іс – әрекет: Дәстүрден тыс жіппен сурет салу
Ұйымдастырылған іс-әрекеттің тақырыбы: «Түлкі бикеш»
Мақсаты: Балалардың жабайы аңдар туралы түсініктерін кеңейту, тілдерін дамыту, ұсақ бұлшық еттерінің қозғалысын жетілдіру. Жануарларды қорғауға тәрбиелеу. Түлкінің дене бөлшектерін атау, шығармашылық іс-әрекетінде табиғи материалдарды дұрыс қолдана білу.
Көрнекілік материалдар: А3 форматта түлкі бейнесі, желім,алдын ала қиылған, ұсақталған жіптер, атрибуттар, тақырыпқа сай көрнекілік суреттер, алжапқыш, сулы орамалдар, балаларға арналған А4 форматтағы түлкі бейнесі.
Тәрбиешінің іс-әрекеті:
— Сәлеметсіңдер ме, балалар! Қане, бәріміз тұрайық, шаттық шеңбер құрайық!
«Шаттық шеңбері»
«Кел, балалар, күлейік» өлеңін айтады.
Кел, балалар, күлейік,
Күлкіменен түлейік.
Күлкі – көңіл айнасы,
Күліп өмір сүрейік.
Ғажайып сәт:
(Әуен ойнайды, есік қағылады, түлкі кіреді)
Тәрбиеші:
— Балалар, бізге қонақ келген сияқты, қараңдаршы кім екен?
Балалар жауабы: Түлкі ғой
Тәрбиеші:
— Балалар, бұл қандай аң?
Балалар жауабы: Жабайы аң
Тәрбиеші:
— Дұрыс айтасыңдар. Бұл — түлкі.
— Қанекей, барлығымыз түлкімен амандасайық.
Балалар: Сәлеметсіз бе, Түлкі бикеш!
Тәрбиеші:
— Түлкі, сен қайдан келдің?
Түлкі: Орманнан.
Тәрбиеші: Балалар, ендеше, Түлкі бикешіміздің орманнан басқа, Түлкі бикешімізді қандай ертегі әлемінде кездестіретінімізді QR –ді сканерлеу арқылы білейік.
(тәрбиеші QR сілтемесі арқалы балаларға ертегі үлгілерін көрсетеді)
Түлкі: Балалар, мен сендермен жақын дос болғым келеді, сендер маған менің бейнемді бейнелеп бере аласыңдар ма?
Балалар: Әрине
Тәрбиеші: Олай болса, балалар, шығармашылық ортаға барып, біз түлкінің бейнесін дәстүрден тыс әдіс-тәсілді қолдану арқылы бейнелеп берйік. Біз түлкінің бейнесін арнайы алдын — ала дайындалып кесілген ұсақталған жіп, желімнің көмегімен жасаймыз. Алдымен түлкінің дене бөлшектерін атап өтейікші.
Балалар: Құлағы, мұрны, денсі, бұлаңдаған құйрығы.
Жұмыс барысы: (тәрбиеші жасалу жолын түсіндіреді, көрсетеді)
(Күй әуені ойнап тұрады, балалар жұмысты орындайды)
Түлкі: Ой, қандай керемет достарым! Сендерге рақмет! Сендер менің бейнемді айнытпай жасап бердіңдер! Мен құр қол келмедім өзімнің сиқырлы сандығымды ала келдім! (Түлкі бикеш сиқырлы сандықты тәрбиешіге тапсырады)
Тәрбиеші: Қане, балалар бой сергітіп алайық, Түлкі бикешке ормандағы достарының қимылдарын көрсетейікші.
Сергіту сәті:
«Аңдар жүрісін салайық»
(Әуенді тыңдап, аңдардың атрибутын киіп, жүрісін көрсетеді)
Түлкі: Жарайсыңдар, балалар! Сендер, шапшаң, ақылды, өнерлі екенсіңдер! Мен достарымды сағынып кеттім, менде өз орманыма қайтатын уақыт болды. Сендермен қоштасамын. Сау болыңдар! (Түлкі бикеш шығып кетеді)
Тәрбиеші: Жарайсыңдар, балалар, сендерге мен ризамын! Қане, балалар Түлкі бикештің сиқырлы сандағын ашып көрейікші, ішінде не бар екен? (Сиқырлы сандықтың ішінен бауырсақ тар алады)
Кері байланыс:
— Балалар, бүгінгі ұйымдастырылған іс-әрекет сендерге ұнады ма?
Балалардың жауаптары.
— Бүгін бізге қонаққа кім келді?
— Түлкі бикеш.
— Дұрыс айтасыңдар, ол қайдан келді?
— Орманнан.
— Жарайсыңдар, балалар.
Мадақтау.
Тәрбиеші:
— Бәрекелді, белсенділіктерін үшін сендерге Түлкі бикештің сиқырлы сандығы сыйлаған бауырсақтар таратамын.
